தாயே நீர் ஆண்டு நூறு வாழி

கருவில் நானழுதால் 

கணத்திலவள் கண்கலங்கும் 

உதரம் நான் உதைத்த போது - தன் 

உதிரம் தந்த உத்தமியாள்

குணம் மாறா உக்களியாள்

கண்களிலே கோபமில்லை - அவள் 

பாசத்தில் பாசாங்கில்லை

நெஞ்சிலே வஞ்சமில்லை - என்னை

பிஞ்சிலே காக்கும் தெய்வக் 

குணத்திற்கோ ஈடு இல்லை

மிஞ்சினால் கொஞ்சமாய்த் தன்

அன்பிலே வஞ்சிப்பாள்

அஞ்சினால் எனைத் தூக்கி 

கொஞ்சியே பயம் தீர்ப்பாள் - நிஜக் 

காதலின் கருத்துரைப்பாள்

உண்மையினை வளர்த்திடுவாள் 

பொய்மையினை உணர்த்திடுவாள் 

காரணங்கள் சொல்லாமலே 

கண்களாலே கடிந்திடுவாள் - பின்

கரத்தினால் கனியவைப்பாள்

மீசை அரும்பும் வயதில்க் கூட

அவள் பாசம் அறுந்திடாது

சம அன்பைக் காட்டிடுவாள் - தீய

சரித்திரத்தை மாற்றி வைப்பாள் 

சஞ்சலமின்றிய சாதனையாள்

என் வெற்றிகளில் பெருமைப்படும் 

முதல்ப் பெண் நீர் - என் தோல்வி கண்டு 

சிந்திடுவீர் முதற்க் கண்ணீர் 

என் ஆயுள் தரத் தயங்க மாட்டேன் 

தாயே நீர் ஆண்டு நூறு வாழி!!